Aloñako Lagunak elkartearekin eta Natur Eskolako hezitzaileekin batera, aurten ere egin dute zuhaitz landaketa Aloña inguruan, Imanol Biain basozainaren laguntzarekin. Martxoaren 12rako zuten antolatuta hasiera batean, baina elurragatik atzeratu egin zuten eta atzo, hilak 19, ospatu zuten zuhaitz eguna Aloñan.
Aloñako magalean dagoen Unaimendin (Duru) elkartu ziren 10:00etan eta aurreko urteetako itxituretan, 60 zuhaitz landatu zituzten, erdiak urkiak eta beste erdiak elorri zuriak. Amaieran, Duruko Bittor Altuberen Gure kabia txabolan, salda beroa, txorizoa, patata tortila eta gazta jan ziituzten, giro ederrean eta kontu kontari.