Beste zuhaitz landaketa bat ere egingo dute jardunaldi horien baitan, Aloñako Lagunak taldekoekin batera. Datorren domekan izango da hori, martxoak 12, Unaimendin; 10:00etan dute hitzordua eginda. Zubillagan ez dituzte eramandako urki guztiak landatu, espazio faltagatik, eta Aloñarako utzi dituzte sobratu direnak. Horiez gain, hostazuriak, mendiko haritzak eta otsalizarrak ere landatuko dituzte.
Gaur zortziko landaketara joateko izena emateko bi modu daude: Fernando Maiztegiri esanda, Patrue Kaleko bere tailerrean, edo e-posta bat bidalita helbide honetara: aloinalagunak@gmail.com.