'Osakidetza hilzorian' mahai ingurua

'Osakidetza hilzorian' izenburupean mahai ingurua egingo da gaur kultura etxean, Astintzen dinamikaren barruan. Parte hartuko dutenak: Jesus Oñate, LAB sindikatuko Osakidetzako arduraduna, eta Markel Brouard, familia mediku ebentuala Ezkerraldea-Enkarterriko ESIan eta Lehen Arreta Arnasberritzen plataformako kidea. Jorratuko diren gaien artean: Osakidetzaren gaur egungo egoera orokorra, nola dagoen egituratuta, gauzatzen ari den pribatizazioa, jasaten ari den gainbehera, profesional ihesa eta lehen arretaren egoera.