Eskualde mailako lehen erreka garbiketaren testuinguruan landutako dokumentalak, bailarari izena ematen dion ibaiaren aspektu desberdinak jasotzen ditu, baita erreka garbiketaren egunean bertan hartutako irudiak ere. Goienako kazetari Julen Iriondo ibili da dokumentala lantzen: "Saiatu gara errekak izan ditzaken hainbat alderdi lantzen ikus-entzunezkoan. Adibidez, geologo batekin landu dugu hirigintzak edo industria eraikitzeak izan duen eragina. Naiara Corcuerarekin, fona eta flaura. Jose Antonio Azpiazurekin errekak historian izan dituen erabilpenak; Antzuolatik Debaraino nabigateko modukoa zen garai batean, adibidez, Deba ibaia, Antzuola bera Gipuzkoako merkataritza gune garrantzitsuenetako bat izan zen".
Zinema aretoan, 18:00etan
Goienaren gizarte-erantzunkizunaren eta komunitatearekiko elkarlanaren emaitza da ikus-entzunezkoa. Debagoienean Erreak Bizi Auzolanean ekimenak eta Goienak elkarlanean osatu duten dokumentala da. "Ekimenak bazituen osagai batzuk interesekoak Goienarako: bailara mailako erreka garbiketa bat egin da, eta bestetik, naturarekiko eta klimarekiko guk dugun konpromisotik gura genuen ekarpen bat egin. Eta ikus-entzunezko hau gure hedabideetan zabaltzeaz gain, gure eragin eremuak diren herrietara eramateko hautua egin genuen", Miren Arregi kazetariaren hitzak.
Gaur, eguena, urriak 27, eskainiko da ikus-entzunezkoa Oñatin. Zinema aretoan izango da, 18:00etan. Miren Arregi kazetari oñatiarrak egingo ditu aurkezpen lanak.
