Sancti Spiritus unibertsitateko fatxada nagusitik harrizko bloke bat erori zen joan den astean. Foru Aldundiarentzat lan egin ohi duen Petra errestaurazio enpresako teknikariek eraikineko laginak hartu eta laborategi batera eramango dituzte.
Laborategian ateratako emaitzetatik ondorioztatuko dute Sancti Spiritus unibertsitateko eraikinaren egoera zein den, baita hemendik aurrerako kontserbazio-prozesua nolakoa izan behar den ere. Erorketaren kausa oraindik zein izan den jakiteke dagoen arren, Ancora kontserbazio-elkarteak adierazi du mantentze-lanak behar bezala egiten ez direlako gertatu dela ezbeharra. Beste hipotesi batek udan egin duen beroan jartzen du fokua.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.