Kontseilu Sozialistak deituta Aramaioko lan istripua salatu dute

Maider Arregi 2022ko mai. 13a, 19:59

Biolentzia kapitalistari aurre egin lelopean, Debagoieneko Kontseilu Sozialistak deituta elkarretaratzea egin dute arratsaldean Herriko Plazan. Bertaratutakoek Aramaion gertatutako lan istripua salatu dute.

"Gure babesik handiena adierazi nahi genieke hildakoaren gertukoenei.
Urtea hasi zenetik 27 dira soldatapean lanean ari zirela hildako langileak. Ezin esan beraz, gertakaria kasu isolatu bat denik. Eguneroko ogia dira, istripuak lantegietan. Aste honetakoa beraz, sistemari berezkoa zaion biolentziaren aurpegi gordinenaren beste adibide bat dugu", salatu dute.

"Krisi garaiak bizi ditugu egun eta langileriaren aurkako ofentsiba abian da. Inoiz baino garrantzitsuagoa da horregatik, langileok independenteki antolatzea. Gure buruak babestu eta burgesiarekiko indar posizioa hobetzea ezinbestekoa da. Bide horretan, autodefensa bitartekoak garatzeko asmoan berresten gara.Egunez egun, biolentzia kapitalistari aurre eginez eta sozialismoaren eraikuntzari ekarpena egiteko", gaineratu dute.

Asteleheneko elkarretaratzeak

Era berean, gehiengo sindikalak astelehenerako elkarretaratzea deitu du. Hala, ELA, ESK, Steilas, EHNE eta Hiru sindikatuek, LABekin batera, elkarretaratzea deitu dute datorren astelehenerako –maiatzak 16–. Senide eta lagunei "babesa eskaintzeko" eta "behingoz" neurriak har daitezela aldarrikatzeko, Oñatiko Foruen Enparantzan bilduko da gehiengo sindikala 12:30ean.

Bestalde, astelehen arratsalderako Oñatiko Eskubide Sozialen Aldeko Batzordeak mobilizazioa deitu du.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak