Gipuzkoako Natura eta Ingurumeneko Zinema Erakustaldiaren II. edizioa aurkeztu du Gipuzkoako Aldundiak. Hamar filma proiektatuko dituzte horren barruan eta erakustaldia maiatzaren 10etik 20ra bitartean egingo da Gipuzkoako bederatzi udalerritan. Herrietako bat da Oñati.
Oñatin eskainiko dituzten ikus-entzunezkoak dira: Bego Zubia Gallastegiren Urak aske dokumentala (maiatzaren 11n) eta Erlend Eirik Mo danimarkarraren Journey to Utopia (maiatzaren 18an) ikus-entzunezkoa.