Beste behin, ordu gutxitan agortuko dituzte Aloñako Igoerako dortsal guztiak. Antolatzaileek 300 lagunendako lasterketa prestatuko dute, eta iazko irabazleek, esaterako, gonbidapena jasoko dute [Malen Osa eta Aitor Ajuria izan ziren iazko irabazleak]: "Horiek aurrerago baieztatuko digute lasterketan egongo diren ala ez". Bada, Mikel Urrutiak onartu du pozik daudela izenemateak emandakoarekin: "Bai, pozik egoteko modukoa da. Beste urte batzuetan moduan, lehenengo herritarrei eman diegu izena emateko lehentasuna, eta asteburuan 64 oñatiar apuntatu dira. Beste urte batzuetako kopuru antzerakoa da, eta atzotik gaurrera ia dortsal guztiak agortu egin dira, 30 inguru geratuko dira". Ordu gutxitan agortuko dira horiek ere.
Aloñako Igoeran 30 lasterkarirendako tokia geratzen da
Maiatzaren 1ean egingo dute aurtengo Aloñako Igoera, eta ia ez da lasterketan esku hartzeko lekurik geratzen. Asteburuan oñatiarrek izan dute izena emateko lehentasuna, eta 64 animatu dira. Eta atzo, astelehena, 20:00etan guztiondako izenematea zabaldu zutenetik (sailkapenak.com) beste berrehun lagun pasatxok egin dute tramitea. Bada, azkeneko dortsalak geratzen zaizkie saltzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
