Eltziako areto nagusian hasiko dituzte bihar, irailak 2, umeen danborradako entseguak. 68 umek eman dute izena guztira eta zozketa bidez erabaki dituzte konpartsen zerrendak. Hala, bi ordutegitan egingo dituzte entseguak eta ume bakoitza bere konpartsaren ordutegian joan beharko da Eltziara:
- 18:00 - 18:45: Danbor jotzaileak eta kantinerak
- 19:00 - 19:45: Barril jotzaileak, sukaldariak eta txalekodunak
Neurriak
Haurrek beheko atean itxaron beharko dute eta antolatzaileekin batera igoko dira gora. Maskara uneoro jantzita izango dute eta gel hidroalkoholikoa banatuko zaie. Haurren bat entsegu egunean ez bada ondo sentitzen edo sintomaren bat izanez gero, entsegura ez joatea eskatu dute antolatzaileek.
Entseguen egutegia da: irailak 2, 7, 14, 16, 21 eta 23.
Danborrada bera irailaren 26an egingo da, 18:00etan. Eta ez da kalez kale egingo, geldirik baizik, Zubikoa kiroldegian.
