Arantzazuko parketxea abianpuntu, Arantzazu eta Aizkorri-Aratz natura-parkeko paisaiak erakutsiko dituen txangoak izango du tokia zapatuan. Antolatzaileek azaldu dutenez, txangoak ez du zailtasunik izango, edozein herritarrentzat izango da egokia, beraz, eta ibilbidean zehar adituaren azalpenak jasoko dira; bertako ezaugarri, landaredia, antzinako lanbide edota bertan aurkitzen diren animalien inguruko azalpenak.
Egitasmoak lau euroko prezioa izango du helduentzako eta haurrentzako berriz, (5-12 urte) bi eurokoa. Hala, musukoa eramatea ezinbestekoa izango da. Horretaz gain, oinetako egokiak eta ura eramatea gomendatzen da.
Izen ematea, aurrez
Derrigorrezkoa izango da aldez aurretik izena ematea ekimenerako, plaza mugatuak izateaz gainera, eguraldia dela medio, azken orduko aldaketaren bat izango balitz, antolatzaileek abisua emateko aukera izateko. Halaber, interesa izatekotan, 943 78 28 94 edota 699 33 51 83 telefono zenbakien bitartez kontaktuan jarri, edota arantzazu@gipuzkoanatura.eus e-postara mezu bat bidali daiteke. Informazio gehiagorako: www.gipuzkoanatura.eus.