Herriko landa bideetako eta bidegorriko hainbat gunetan atseden hartzeko banku ugari badaudela dio Oñatiko EAJ-k, baina beste batzuetan ez, eta beharra dagoen gune horietan bankuak jartzeko eskatu diote jeltzaleek Udal Gobernuari: "Bertatik paseatzen duten pertsonek bertan gelditzeko eta atseden hartzeko aukera izan dezaten, naturaz gozatzen duten bitartean", Andoni Altunaren hitzetan.
EAJ-ren eskaera da "mantentze lanik behar ez duten banku jasangarriak" jartzea; "Horrela, herritarren eskaera eta behar bati erantzuna emango litzaioke, ondoren, Udalari inolako kostu gehigarririk eragin gabe". Banku horiek jartzeak duen gastua iazko gerakinetik hartzea proposatu du EAJ-k.
Egungo atseden guneen "azterketa sakona" egin dutela diote jeltzaleek eta eremu "egon daitezkeen kokapen berriak" ditu dituela. "Edozein kasutan, kokalekua zirkuitu horien erabiltzaile oñatiarrek erabaki beharko" luketela uste dute.