Oñatiko delegaritzako kideek eskerrak eman gura izan dizkiete odol-emaile guztiei. "Fidelak zarete. Ez da erraza 25 urtez odola ematea, eta are zailagoa da hori 40, 50 eta 75 urtez egitea. Oso kontziente zarete eta konpromiso sendoa erakusten duzue horrekin. Keinu horri esker, jende asko bizirik dago gaur egun".
Aitortza ekitaldian komunikabideak egotea nahi zutela aitortu dute. "Herritarrek horrelako ereduak behar dituzte eta kontziente izan behar gara odola beharrezkoa dela. Odola iraungi egiten da eta hori kontuan hartu behar dugu. Beraz, komunikabideak erabili gura ditugu ea jende gehiago mobilizatzen den eta odola ematen duen. Gure odolak bakarrik balio du, beraz, eman dezagun odola".
Atzo aitortza jaso zutenak 2019an jaso behar zutenak ziren, eta 2020koek, berriz, urrian hartuko dute.
