Meza nagusia eta Oñatz dantza taldearen dantza emanaldia egongo dira domekan, Corpus eguna ospatzeko. Ekitaldi bietan, mugatua izango da edukiera eta aurretik hartu behar dira gonbidapenak. Dantzak ikustekoak, eskuragarri daude dagoeneko.
Plaza ondoko frontoian egingo du Corpus dantzen emanaldia Oñatz-ek domekan, 18:15ean -Zubikoan, eguraldia txarra bada-. Eta hara joateko gonbidapenak Txokolateixan, udal webgunean sartuta eta plazako leihatila digitalean daude hartzeko moduan. 12:00etako meza nagusirako gonbidapenak, eguazten goizetik aurrera egongo dira Txokolateixan -ordutegia: 10:30etik 13:00etara eta 17:00etatik 19:00etara-.
