Desfibriladoreak nola erabili erakutsiko dute datorren astean herritarrei zuzendutako saio batean. Lehen sorospenetan adituak diren hiru oñatiarrek eskainiko dute erakustaldia: Gema Bikuñak, Larraitz Legorburuk eta Ixiar Usandizagak. Beharra dagoenean herrian dauden bost desfibriladore publiko eta automatikoak zelan hartu, ireki eta erabili azalduko dute erakustaldiak zuzenean eginez. Saioa irekia izango da eta jendearen zalantzak eta galderak ere erantzungo dituzte.
Erakustaldi hau datorren astean izango da, eguaztenean, martxoak 17, Santa Ana aretoan, 18:30ean.
