Aukera handia egon da Oñatiko zuhaitz eta landare azokan

Oihana Elorza Gorostiza 2021ko mar. 6a, 16:30

Beintza Labaiendik, Tafallatik, Arrasatetik zein Zaldibartik, besteak beste, etorritako zuhaitz mintegiak eta landare saltzaileak izan dira goizean Oñatiko plazan, egonkortuta dagoen Natur Eskolak antolatutako zuhaitz eta landare azokan.

Sagarrondoen landare asko ekarri dituzte gaur goizean Oñatiko zuhaitz eta landare azokara. Baina baita madarien, laranjen, limoien, mahatsen edo kiwien landareak ere. Eta saldu ere egin dituzte. Ez zuhaitz landareak bakarrik, baina etxeko atarietan eta balkoietan jartzeko kolore biziko loreak ere.