Txantxiku Ikastolako ikasleen gurasoei mezu bidez azaldu diete egoera "oso kezkagarria" dela: "Bigarren Hezkuntzako eraikinean koronabirusa izaten ari den eragina dela eta, lau ikasgela itxi beharra izan dugu eta kasu positiboak gehituz doaz. Horiek horrela, epidemiologiako departamenduak hartutako erabakiaren baitan, PCR probak egitera deituak daude Bigarren Hezkuntzako eta Batxilergoko langile eta ikasleak".
Azaldu dute proba egitera joatea derrigorrezkoa ez den arren, "komenigarria" dela baheketan parte hartzea, birusaren hedapena eteteko.
Horri lotuta, eguen eta egubakoitzean ikasleek etxetik jarraituko dituzte eskolak. Datorren eguenera arte gutxienez ez dira ikasgelara itzuliko, izan ere, astelehenetik eguaztenera jai dute Inauteri jaiengatik.
