Pandemia egoerak behartuta, aldaketa batzuk egin behar izan dituzte aurtengo lehiaketan. Esaterako, herritarrek telematikoki eman beharko dute euren bozka udal webgunean sartuta; herritar bakoitzak boto bakarra eman ahal izango du eta bozketan parte hartzen duten herritarren artean 200 euroko saria zozketatuko dute. Abenduaren 17ko 14:00etan itxiko da herritarrek botoa emateko epea.
Epaimahaiak hiru sari emango ditu eta kontutan izango dituen irizpideak hauek dira: konposizioa, argiztapena, koloreak eta originaltasuna. Sarien zenbatekoak dira: lehenengoa 500 euro, bigarrena 300 euro eta hirugarrena 200 euro. Herritarren saria 500 eurokoa da.
Sarien ohiko ekitaldirik ez da egongo aurten baina saridunek jasoko dute euren diru-saria. Udal ordezkariak zuzenean joango dira komertzio sarituetara eta eskura entregatuko dituzte sariak. Egubakoitzean izango da hori, 17:30etik aurrera.