Martxoaren erditik itxita egon da Arantzazuko Parketxea. Astean zabaldu dute, eguaztenean, eta gaur, zapatua, egin dute jendearendako lehen ekintza: hegazti sarraskijaleak ezagutzea.
Mikel Olanorekin, hegaztiei buruzko azalpenak entzun dituzte Parketxe barruan eta segidan, kataloxak hartu eta hegaztiei begira jarri dira. Jon Ugarte basozain oñatiarra izan dute lagun eta hark emandako azalpenekin ikusi dituzte, esaterako, sai zuriak eta putreak. Esaterako, Oñatin dauden sai zurien koloniei buruzko azalpenak eman dizkie Ugartek bisitan parte hartu duten lagunei, eta habiak non egin ohi dituzten.
Hemendik aurrera ekintzak antolatzen jarraituko dute Arantzazuko Parketxean. Ekainekoak, esaterako, lotuta dituzte dagoeneko:
- Ekainak 7: Arantzazu inguruko paisaiak
- Ekainak 14: Pagomotzak, kultur eta natur ondare
- Ekainak 20: Arantzazuko altxorren bila
- Ekainak 27: Basoa lasaitasun iturri
Ekintza edo irteera horietan parte hartu gura duenak aurrez eman behar du izena. Horretarako hauxe da Parketxeko telefono zenbakia: 943 78 28 94. Informazio gehiago eskatzeko ere bertara deitu ahal da.
