Ostalariek kanpoko mahaiak jartzeko duten eremua bikoiztu ahal izango dute. Ez mahai kopuru bikoitza jartzeko, krisia hasi aurretik zuten mahai kopuru bera jartzeko baizik. Alkate dekretuz hartu du erabakia Udalak, eta alarma egoerak irauten duen bitartean mantenduko den neurria izango da, eta posible den guneetan bakarrik.
Terraza duten 30 taberna daude
Tabernariekin egindako bileren ondorioz hartu zuen terrazen espazioa bikoitzeko erabakia Udalak. Mahai gutxi dutenei, berriz, bost mahai jartzeko au-kera eman die, tokia edukiz gero. Ordaindu beharreko zergei dagokienez, itxita egon diren den-borari dagokiona ez zaie kobratuko. "Ulertzen dugu orain artekoa ere ez dela erabateko irekiera; beraz, zergak ere ez dira ohikoak izango, flexibleak izango gara", azaldu du Xabier Igartuak.
Bigarren fasearen barruan jendea zerbitzatzeko aukera ere izango dute tabernariek. Datorren astean, orain baino taberna gehiago egongo dira zabalik herrian.
