Torreauzoko lasterketa ekainaren 28an jokatu behar zen baina une honetan ezinezkoa zaienez "lasterketaren segurtasuna eta korrikalarien nahiz ikusleen osasuna bermatzea", antolakuntza taldeak erabaki du lasterketa bertan behera uztea. Abixaran taldeak du lasterketa antolatzeko ardura azkeneko urteetan.
Eskerrak babesleei
Antolatzaileak eskertuta daude: "Eskerrak eman nahi dizkiegu lasterketa gauzatzeko beraien babesa berriro eman
diguten enpresei: Urrats, Lana kooperatiba eta Zuatzuri. Egoera aldakor eta zail honetan gurekin jarraitzea erabaki dute. 2021eko lasterketa beraien eskutik egingo dugu. Animo bereziak bidali nahi dizkiegu hiru babesle nagusiei eta laguntzaile diren herriko merkatari, ostalari eta profesionalei ere".
2021erako deia: ekainaren 27an
Hori horrela, 2021erako deia egin dute: "Torreauzoko lasterketaren izaera herrikoia era bateko zein besteko ekarpena egiten duten guztion artean lortzen dugu. Ez dira une samurrak, eutsi goiari! Urtez urte alboan izaten ditugun boluntarioei berriz, zaindu! Datorren urtean ere zuen laguntza ezinbestekoa izango baitugu. Eta ikusle gisa hurbiltzen zaretenoi gogoan hartu 2021eko ekainaren 27an Torreauzoko lasterketa eta korrikalariak zuen txaloen zain izango dituzuela".
