Magnek Kooperatibak garatu eta zabaldu duen irabazi asmorik gabeko proiektua da Kuttuna.org eta herriko denda eta zerbitzuetan erabiltzeko bonu txartelak erosteko web plataforma da. Oñatiko komertzioak ez ezik, beste herri batzuetakoak ere badaude bertan.
Herritarrek erosten dituzten bonuen zenbatekoaren %20a diruz laguntzen du Udalak, baina pertsona bakoitzeko 400 euro muga ezarri da bonuak erosteko eta muga hori pasaz gero bonuei ez zaie diru laguntza aplikatzen. Erosketa bakoitzean gehienez ere 200 euroko bonua erabili daiteke gainera.
Zalantzak argitu edo alta prozesuan laguntzeko Udalak bide hauek ditu zabalik saltokiendako eta herritarrendako: 943 003 198 telefono zenbakia eta enplegu@onati.eus.
