Musika Eskolak hileroko ekimenarekin jarraitzea erabaki du, azken hitzorduak arrakasta izan zuelako eta ekimenak harrera positiboa izan zuelako herritarren artean. Hala, zapatuko saioko musika zuzenean entzuteko aukera izango dute herritarrek Oñati Irratiari esker, eta hitzezko euskarria, berriz, Udalaren atarian dago eskuragarri. Honen helburua da musikaririk inguruan ez duten oñatiarrek oinarri hori izatea eta kantuan aritzeko aukerarik ez galtzea. Gauzak horrela, Herrixa kantuan ekimena antolatzen dihardutenek balkoi edo leihoetara kantuan egitera irteteko gonbidapena egin diete herritarrei.
Martxoko azken zapatuan egin zen bezala, zapatuan ere, 12:30ean hasita, Herrixa kantuan balkoitik balkoira egingo da. Oraingoan, Musika Eskolak 13 kantuko zerrenda osatu du eta horiek udal atarian daude ikusgai –Aberriaren mugak, Aitormena, Erribera eta Euskal Herrian euskaraz, besteak beste–.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak