Goizeko 11:30ean hasiko dira biharko lehen ekintzak, hain zuzen ere Jon Regeirok eskainiko duen Spinning klase batekin. Ostean, 12:30ean hizketaldia egingo du Jakoba Errekondok, irrati formatuan, eta oñatiarren galderak erantzungo ditu. Haur eta helduentzat, 14:00ean, Ekaintxourem Artistak ikuskizuna eskainiko dute.
Bazkalordurako talo jana egiteko deialdia luzatu dute. Arto irina Irazolan salgai dagoela jakinarazi dute, edo bizipozen enkargu bidez. Trikiti doinuak egongo dira entzungai eta taloa egiteko azalpenekin ere bideo bat jarriko dute eguerdi aldera.
Bazkalostean, 16:30ean, Ondarruko apustu etxen kontrako plataformak hitzaldia eskainiko du, eta 17:00ean Berandu eta gaizki irrati saioa emitituko dute. Eguna amaitzeko Abereh eta Egurra ta Kittoren kontzertuak egongo dira. Hauen ostean etorriko da DJ-en txanda.
