Udalbatza osatzen dute alderdi bietako udal ordezkariek osatzen dute COVID-19 Neurri Ekonomikoen Mahaia. Izaro Elorza alkatea, Xabier Igartua Ogasun eta Sozioekonomia batzordeburua, Anik Zubizarreta Partaidetza eta Garapen komunitario batzordeburua, Ainhoa Galdos oposizioko udal bozeramailea eta Jon Kepa Gerrikagoitia Sozioekonomia batzordeko kidea, eta hainbat alorretako udal teknikariek (Ogasun, Sozioekonomia eta Gizarte Zerbitzuen alorretakoak).
Asteon egingo dute lehen bilera, besteak beste sektore zaurgarrienak identifikatzeko, balizko neurriak aztertzeko edo berriak sortzeko.
Oñatik Udala hasita dago sektore zaurgarrienei laguntzeko bideak lantzen, batzuk martxan daude dagoeneko. Esaterako, joan den astean jarritako autonomoendako eta mikroenpresendako informazio zein aholkularitza zerbitzua.
"Ziurgabetasunaren bidean jarri gaitu COVID-19ak, eta haren eragina igartzen hasiak dira herriko sektore asko. Zaurgarriago bilakatzen dabiltza sektore zaurgarrienak, diru-sarrerarik gabe daude herriko komertzioak, ostalariak... Bada, egoera horri buelta ematen saiatzeko neurriak aztertzea eta martxan jartzea ditugu lehentasunen artean. Gobernu taldeko kideok dagoeneko landuak ditugu zenbait proposamen –hainbaten artean, horixe izan dugu azken asteetako zeregin-, eta, zela ez, Neurri Ekonomikoen Mahaira eroango ditugu”, gaineratu du Izaro Elorza alkateak.