Oñatiko udalekuetan izena eman gura duten gaztetxoendako bide daude zabalik: udal webgunean sartuta edo telefonoz deituta. Telefono zenbaki bat jarriko du Udalak herritarren eskura, udalekuei lotutako zalantzak argitzeko edota horietan izena emateko. Hauxe da zenbakia: 688 63 43 40. Arratsaldeetan, 16:00etatik 19:00etara bitartean jasoko dituzte deiak. Apirilaren 3ra arte egongo da martxan zerbitzua.
Udal udalekuak ekainaren 29tik uztailaren 24ra bitartean egingo dituzte. Udaleku irekiak 2008tik 2016ra bitartean jaiotako umeendako izango dira eta arte udalekuak, LH-3tik DBH-4ra bitartekoendako.
