Asteburuan izan zen Euskal Herriko eski txapelketan eta emaitza onak izan zituzten Axier Alonso, Sara Arregi eta Haritz Arregi oñatiarrek. Nork bere kategorian, lehen hiruren artean sailkatu ziren.
Senior mailan, esaterako, Axier Alonso bigarrena (2:26,51) izan zen helmugan sartzen, Iñigo Martinez de Albornoz-en atzetik (2:24,19) eta Gartzen Elejabarrietaren aurretik (2:31,15).
Sara eta Haritz Arregi anai arrebek ere hartu zuten parte txapelketan. Domekan jokatu zen banakako Euskal Herriko txapelketa, Sarak lehenengo egin zuen gazteen maila ( 1.100 m+); Haritzek, berriz, hirugarren kadeteen mailan (1.000 m+). Bezperan, zapatuan, lasterketa bertikalean hartu zuten parte biek, biak batera; hor ere lehenengo egin zuen Sarak eta hirugarren Haritzek.
(Argazkiak: Azalekoa Euskal Mendizale Federazioak eta barruko biak Sara Arregik)
