Taldetxoak astean behin elkartuko dira, ordubetez, nahi duten tokian eta orduan. Bi hilabeteko froga izango da. Gero, afaria egingo dute guztiek batera, esperientzia-trukea egi-teko, elkar ezagutzen eta hika praktikatzen segitzeko. "Dakitenak eta ikasi nahi dutenak, denak animatu daitezela. Berdin du oso gutxi edo ezer ez jakinda ere. Hitz egitera ausartzen ez direnei belarria egiteko balioko die", dio Idoia Etxeberriak.
Orain arteko lanketa batez ere emakumeekin egin badute ere, Hikalaguna ez da emakumeentzat bakarrik izango: "Neska eta mutil, denetik egotea komeni da, bi errejistroak erabili ahal izateko". Adin mugarik ez dago
