Herriko hainbat gunetan zaborrontzi berriak jarriko ditu Oñatiko Udalak. Aurrekoak baino edukiera handiagoa izango dute, batez ere ontzi arinendako gordetako tarteak edo tokiak. "Ontzi arinendako espazio gehiagoren beharra zegoela ikusita" egin dituzte berriak tamaina handiagokoak. "Horrez gain, zaborrontzi berrien diseinuak garbiago adierazten du hondakin bakoitza nora bota behar den, hondakin bakoitzari dagokion kolorea askoz argiago ikusten delako. Zaborrontzi inguruko lurraren garbitasunarendako ere mesedegarri izango dira zaborrontziok", dio Anik Zubizarretak, Partaidetza eta Garapen Komunitarioko zinegotziak, prentsa ohar bidez.
Foruen plazan, adibidez, aldatu dituzte dagoeneko zaborrontzi batzuk aldatu eta Kale Barrian, Kale Zaharrean eta Sancti Spiritus Unibertsitate inguruan egingo dituzte egokitzapen gehiago. Partaidetzazko Aurrekontuetan eginiko eta bozkatutako proposamenetako bat izan zen hau. 14.470 eurokoa da aurrekontua eta Leintz Gatzagako Sormen enpresari egin zaio enkargua.