2019ko martxoan etorri zen atzoko hitzaldiko protagonistetako bat Oñatira. Shazia Maryam da bera, Skardukoa, Baltistango hiriburukoa. Baltiarra Oñatin bizi da pasa den martxoaz geroztik, eta LEINN graduondoa egiten egon da, jasotako formakuntza hori bere herrian aplikatzeko asmoz, Baltistan Fundazioaren eta Mondragon Team Academyren arteko elkarlanari esker. Hala, atzo, Shazyaren eskutik, Pakistango emakumeek bizi duten egoeraren berri jaso zuten bertaratuek. Gainera, datozen hilabeteetan Pakistanen martxan jarriko duten proiektuaz ere aritu ziren.
Alberto Iñurrategik ere hartu zuen pare solasaldian. Aretxabaletarra, Fundazioaren sorreratik izan da kide. Ordukoak kontatu zituen eta baita bidean egindakoak ere. Norabide horretan, neskatilen eskolaratzean egindako lana nabarmendu zuen, besteak beste. Azkenik, Pedro Ibarra aipatu behar genuke, duela bi hilabetetik Baltistan Fundazioaren presidente dena. Ibarrarekin, etorkizuneko asmoen berri jaso zuten entzuleek.