Egubakoitzeko kontzertuek izandako harrera "oso ona" izan dela azaldu dute, hasieratik bukaerara arte. "Eguraldi txarra egin arren, karpa barruan giro bikaina sortu zen", diote batzordekideek.
Zapatu gaueko Kontuz! erromeriak emandakoarekin ere "pozik" daude. "Desberdina izan zen, ez zen erromeria klasiko bat izan, eta trikitixa abesti baten ostean, punk edo rock abesti bat ere jotzen zuten. Polita izan zen".
Rock Kam Boom! kontzertu ibiltaria izan da aurtengo berrikuntzetako bat. "Jendea harrituta geratzen zen herriko kaleetan furgoneta baten barruan musika jotzen ari zirela ikustean. Pena eguraldi txarra. Eguraldi onarekin askoz ere politagoa izango litzateke, baina ondo egon zen halere".
Azpimarratu beharreko beste ekintza bat mus txapelketa izan da. Izan ere, 23 bikotek eman dute izena, "inoiz baino gehiago".
