Bisitariak hartzeko prest egoten da herria beti, baina datozen opor egunei begira eskaintza indartu dute herriko turismo zerbitzuek. "Arrikrutz, esaterako, egunero egongo da zabalik. Turismo Bulegoan bisita bereziak egingo dira herriko altxorrak erakusteko eta Txokolaiteixiak ere zabalik izango ditu ateak. Eta gure eskaintzari gehitu behar zaio herriko ostatuek eskaintzen dutena. Kategoria ezberdinetakoak daude herrian, izan ostatu, aterpetxe edo autokarabana-gune, esaterako. Hori oso aberasgarria da", adierazi du Iker-ne Altubek, Oñatiko Garapen eta Turismo Agentziako arduradunak.
Altubek nabarmendu du Arrikrutzen duela bi urtekoak baino datu hobeak jaso dituzte-la urteko lehen hiruhilekoan, "lehoiak erakarrita". Bilboko museoan dago egun lehoiaren hezurdura eta Arrikrutzen buru-hezurraren kopia bat dago ikusgai.
Horrez gain, datozen egunetan Oñatira datozen bisitariek euskarazko hitz batzuk ikasteko gonbidapena jasoko dute; Turismo Bulegoan arbela jarri dute eguneroko hitz batzuen itzulpenarekin.
Agendan daude antolatu dituzten bisita gidatuen ordutegiak
