Aloñako Lagunak taldeko kideek adierazi dute hiru motatako eginbeharrak izango dituztela: aurreko urteetako itxituraren bat konpondu, bertako zuhaitzen enbor apurtuak moztuz; lehortuta edo elurrak apurtuta hondatu diren zuhaitzak ordezkatu haritzak eta lizarrak landatuz, eta Aloñako gurutzearen mendeurrenean mendi-aterpearen inguruko zuhaitzak ordezkatu eta itxitura berria egin.
Aurten ere natur eskolako langileen eta Imanol Artola basozainaren laguntzari esker egingo da irteera eta Bittor Altuberen txabolan egingo dute otordua. Izena eman daiteke Patrue kaleko Fernando Maiztegiren tailerrean edo: aloinalagunak@gmail.com helbidean.