Gabonetako areto-futbol txapelketa martxan da

09:00etan jokatu dute lehenengo partidua eta egun osoan zehar jokatuko dituzte gainontzekoak, goizaldera arte. Aurten, gizonezkoetan 25 taldek eman dute izena eta emakumezkoetan hiruk –elkarren aurka ariko dira hiru taldeak, triangular formatuan–. Bihar, egubakoitza, erabakiko dira finalistak eta garaileak.

Urtero moduan, euskal preso politiko eta iheslariei laguntzeko erabiliko dute izen-emateekin lortutako dirua. "Gure helburua da elkartasuna adieraztea euskal preso politiko eta iheslariei, Gabonetan herritarrei kirola egiteko aukera emanez", adierazi du Iñaki Guridik, antolakuntzako kideak.