Gabon kantekin gozatzeko saioa eskaini dute herriko musikariek

Oñatiko musika banda eta herriko abesbatzak – Hots abesbatza, Oñati abesbatza, Parrokiko korua, Ganbara abesbatza, Ganbara Txiki abesbatza eta Txantxiku ikastolako abesbatza– elkartu ziren beste urte batez, Gabon doinuekin girotzeko iristear diren jaiak. Goraino beteta zegoen San Migel parrokiko entzuleek gozatu egin zuten doinu horiekin.