Ibailagun, ura eta errekaren astearen baitan Oñatiko errekak garbitzen aritu dira gaur goizean auzolanean. Hiru taldetan banatu dira eta talde bakoitzak Oñatiko gune bat garbitu du: San Prudentzio ingurukoa, herriko erreketakoa eta Natur Eskolatik Ugarkaldera bitartekoa.
Uste baino zabor gehiago atera dute gaurkoan: seinaleak, kuboak, kotxeko matrikula... Hala, horiek guztiak batu eta herriko plazara eraman dituzte. Aurten gainera, inoiz bisitatu ez duten gune batera joan dira eta bertatik, zabor poltsa ugari atera dituzte.
Zaborra ez da izan atera duten gauza bakarra. Izan ere, erreka ertzetan hazten diren landare inbaditzaileak ere atera dituzte, hauek ere herriko plazara eraman dituztelarik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.