Uda sasoia heldu orduko urtero egiten dute putzuaren garbiketa Usakon eta bi urpekari ibili dira lan hori egiten gaur goizean. Ordu beteko lana izan dute Buceo Euskadiko Javier Aginagak eta Danel Garridok. Azken asteetako euriteen ondorioz inoiz baino ur gehiago dagoela esan dute.
Egur zatiak eta burdina puskak atera dituzte putzutik. Arrain gutxi ikusi dituztela ere adierazi dute, ur nahasietan ikusmena urria zelako, baina karramarroak aldiz, asko ikusi dituztela adierazi dute. 12 gradutan dago ura.