Oñatiko Olabarrieta auzoko pinudi baten sutea izan da bart gauean. Ertzaintzatik jakinarazi dutenez, larrialdi zerbitzuek 00:50 aldera jaso dute abisua. Haizearen ondorioz sutea azkar zabaltzen ari zenez, inguruan dagoen baserri bateko bizilagunak etxetik atera dituzte.
Suhilatzaileak eta Aldundiko mendi zerbitzuetakoak sutea itzaltzeko lanetan ibili ostean, goizaldeko 05:00ak alderako etxera itzuli ahal izan dute bizilagunek. Sutea itzalita dagoen arren, badaezpada ere ingurua zaintzapean dago.
