Oñatiko Txinparta 1 taldea garaile, herriarteko bertso txapelketako lehenengo saioan

Oñarri elkartean egindako afariaren ostean egin zuten bertso saioa eta oñatiarrak Oiartzungo Martzeliña taldearen aurretik gelditu ziren. Saio txukuna egin zuten etxekoek baina horrek baino gehiago asetzen ditu, ikuslea gustura gelditu izanak.

Sei laguneko taldea da Txinparta 1. Urko Egaña, Andoni Goitia eta Joseba Lasagabaster bertsotan aritzen dira; Mirari Sagarzazu da gai jartzailea; Julen Iriondo epailea eta Iñaki Olalde koordinatzailea. Zapatuko bertso afarian, Oiartzungo Martzeliña taldea izan zuten aurkari eta saio txukuna osatu ostean, etxekoak atera ziren garaile. "Euren taldean Jon Martin zegoen, bertsolari ezaguna, eta ondo bete zuen bere lana", adierazi du Lasagabasterrek. Hala ere, oñatiarrak dotoreago aritu ziren eta eurek eskuratu zuten garaipena: "Ez dakit hori den garrantzitsuena, edo giro onean abestea eta jendeari goza araztea", dio Lasagabasterrek. "Ni neu aspaldi nengoen abestu barik eta atzo oso sentsazio onarekin gelditu ginen", gaineratu du.

Hurrengoa Zumarraga-Urretxun

Martxoaren 11an izango dute bigarren saioa oñatiarrek. Orduan, Zumarraga-Urretxuko taldea izango dute aurkari eta saioa han jokatuko dute. "Ezagutzen ez ditugun bertsolariekin harremana egin eta eurekin abestea polita da", erantsi du.

Erlazionatuak

Oñatiko Txinparta 1 taldea garaile, herriarteko bertso txapelketako lehenengo saioan

Oñati

Oñarri elkartean egindako afariaren ostean egin zuten bertso saioa eta oñatiarrak Oiartzungo Martzeliña taldearen aurretik gel...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.