Trineoarekin jolasean edo mendi buelta bat emanez, elurraz gozatzeko aukera izan dute Arantzazun

Gaur goizean zehar euria egin duen arren, hainbat herritar animatu dira atzo botatako elurra aprobetxatzera. Domekako mezara, mendira edota irristatzera joan direnen artean, giro polita izan da auzoan.

Gaur goizean ere elurra botako zuela iragarrita zegoen arren, azkenik ez da horrela izan. Euria, aldiz, gogotik egin du, baina hori ez da aitzakia izan 2017ko lehen elurteak utzitakoaz gozatzeko.

Sindika hotelaren ondoko zelaian, esaterako, ume asko ibili dira gora eta behera trineoekin, plastikoekin edo elkarri elur bolak botata jolasean. Asko eta asko elurra egiteko zain zeuden, eta gaurkoan eskolarik izan ez dutenez, ez dute aukera galdu nahi izan.

Beste batzuek aldiz, mendi buelta bat eginez gozatu dute elurraz. Ondo estalita, hotzaz eta euriaz babesteko, jende dezente abiatu da Urbiarantz, paisaia zuritua miretsi eta behin gora igota bertako fondan berotan sartzeko. Hala, mendizaleek aipatu dute Urbiarainoko bidea ondo dagoela, "gustura ibiltzeko moduan", nahiz eta, esaterako, Aizkorrirantz joan nahi izan dutenek zailtasun handiagoak izan dituzten.

Erlazionatuak

Elurraz gozatzen Arantzazun

Oñati

Ume zein nagusi, primeran ibili dira guztiak Arantzazu aldean urteko lehenengo elurteak utzitakoaz gozatzen. Euria eta hotza egin duen arren, jende...
Heldu da elurra Debagoienera

Debagoiena

Zurituta esnatu dira gaur bailarako gune garaienak. Errepidearen egoerari dagokionez, Debagoieneko mendate guztiak irekita daude, baina gehienetan ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.