Ibaiak zaindu egin behar direla gogorarazteko astea dator

Joan den urteko erreka garbiketa egunean ateratako argazkia

Domekan hasita, Ibai Lagun eta Zero Zabor astea egingo dute Oñatin eta ekintza bat baino gehiago antolatu dituzte. Lehenengoa domekan izango da; 09:00etan elkartuko dira Foruen plazan erreka garbitzera joateko. Oinetako erosoak eta eskularruak eramatea gomendatzen dute Natura Eskolako kideek.

Mexikoko eskualde bateko errekak izandako bilakaera erakusten duen filma, GurasSOS elkarteko ordezkariek egingo duten hitzaldia eta Zirika Zirkus taldearen Kospos Eroak haur antzerkia ere egongo dira astean zehar. Hilaren 22an Ura eta energia mendi irteera egingo dute; Natura Eskolan eman behar da izena. 23rako, berriz, Araozko zabortegia garbitzera joateko deialdia egin dute. Egutegi osoa agendan sartuta dago.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.