Amaia Egoskozabal: "Alerta egoeran geunden orain dela hilabete batzuetatik"

Amaia Egoskozabal oñatiarra orain dela hamalau urtetik bizi da Bruselan. Europako Parlamentuan egiten du lan. Gaur goizean haurrak eskolan utzi eta bulegorako bidean entzun du irratian aireportuko eta metroko geltokietan izan diren leherketen berri. "Segurtasun neurriengatik eraikinetik ez ateratzeko agindu digute. Gertakarien berri jakin bezain pronto bikotea eta haurrak zelan zeuden jakiteko deitu diet eta denok ondo daudela jakiterakoan lasaitu naiz. Segituan deitu dit Oñatiko familiak gugatik arduratuta, denok ondo gaudela esanaz lasaitu ditut", azaldu du Amaia Egoskozabalek.