Bertso paperen lehiaketako sari banaketa eta Bertso musikatuen gaua Oñatin barikuan

Beira taldearen emanaldi bat.

Oraingo barikuan banatuko dituzte Oñatiko VI. Bertso paper lehiaketako sariak. 18:00etan Gaztelekuan. Aurten 102 lan jaso dituzte: 60 LHn eta 42 DBHn. Oñatiko ikastetxe guztietako ikasleen eskutik jaso dira lanak. Jon Martin bertsolaria izango da sari banaketa ekitaldian. Sari banaketaren ostean, gerturatzen diren guztiendako "merienda goxoa" eskainiko dute. Bestalde, gauean, 22:30ean hasita, Bertso musikatuen gaua antolatu dute Gaztelekuan bertan, Beira taldearen eskutik.

Oñatiko Bertso Eskolak eta Gaztelekuak elkarrekin antolatzen duten lehiaketako epaimahaia lau kidez osatua egon da eta adierazi dutenez, lan handia izan dute kideek horrenbeste bertso sortaren artean onenak aukeratzen.

Epaimahaiak zortzi saridun izendatu behar zituen, bost LH sailean, eta hiru DBH eta Batxilergoko ikasleen artean.

Saridun guztiek ikasmaterialetan gastatzeko txartelak eta bertsolaritzarekin lotutako sari bat jasoko dute.

Hona hemen aurtengo sarituen zerrenda:

LH sailean:

1. Izeia Ibabe eta Claudia Vazquez bikotea.

2. Jokin Zubillaga Ugarte.

3. Maider Molinero.

4. Markel Barrena.

5. Ane Murguzur Arregi.

DBH-Batxilego sailean:

1. Urko Arregi Markuleta.

2. Aitor Tatiegi.

3. Malen Osa.

Saririk gabe geratu arren aipamen berezia: Bittor Zubiagirre.

Bertso musikatuen gaua

Egunari amaiera borobila emateko, bestalde, gauean, 22:30ean hasita, Beira taldearen emanaldia iragarri dute Gaztelekuan bertan. Margotu berria azken diskoa aurkeztuko du. Sarrerak bost eurotan salduko dituzte.

Musikatutako bertsoak eskaintzen ditu Beirak. Mimatutako letrak eta mimoz jotako notak. Bost partaide ditu: Igor Arruabarrena (kitarra jolea), Jon Martin (abeslaria), Urtzi Olaziregi (baxujolea), Gari Amundarain (kitarra jolea) eta Mikel Arruabarrena (bateria jolea).

Hogei kantatik gora diskoratu badituzte ere, haien kontzertuetan beti izaten da argitaratu gabeko letraren bat: egunerokotasunari edo herriari lotutako gaien bati heldu eta bertsoak jartzen ditu taldeko bertsolariak. Herriko artistaren bat ere oholtzaratzen da, gonbidatu moduan. Arretaz, eta gozo entzuteko musika da Beirarena.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.