Eltziako kudeaketa eredua definitzeko lehen saioa egin dute goizean

"Herri sormena", "Eltzia sormen sozialaren etxia", "Oñatiko sortzaile, herri mugimendu eta herritarren autoeraketa eta lankidetza egitasmoa", "elkartasuna", "jakintza librea", "osagarria", "berdintasuna", "elkarlana", "irabazi asmorik gabe"... gisako printzipioak adostu dituzte gaur goizean Eltzia proiektuaren baitan egindako lehen saioan. 30 lagun batu dira orain arte proiektuarekiko duten balorazioa eta hausnarketa elkarrekin egiteko.

Eltzekideak 2016rako erronkak definitzen jardun dute goizeko bederatzietatik eguerdiko ordubatak  bitartean. Onintza Andresek, udaleko parte-hartze teknikariak lehen bileraren balorazio positiboa egin du. "Lehen saio honetan orain artekoaren balorazioak jaso ditugu eta hausnarketa saioa egin dugu. ideia berriak sortu dira kudeaketarako, aberasgarria izan da. Gainera, proiektuan parte-hartzen diharduten talde guztiak ordezkaritza eduki dute gaurko saioan. Eztabaida politak egon dira  Eltzia proiektua 2016rako definitzerakoan". Datozen bi saioetan ordea, proposamen eta talde berriendako ere lekua egongo dela azpimarratu du Andresek. "Azaroaren 28an berriro batuko gara funtzionamendua ahalik eta zehatzena egiteko, elkarlanean. 2016rako erronkak, nola antolatu, bideratu eta egin gura  dena lortzeko bideak zehaztuko ditugu".

Hala, kudeaketa eredua definitzeko fase honetan, erabiltzaileek Eltzia nola kudeatu zehazten dihardute. Baina, egungo erabiltzaileak ez ezik, erabiltzaile izateko nahia azaldu duten eragileei eta talde sortu berriei ere deitu gura diete datozen batzar irekietara.

Erlazionatuak

Eltzia nola kudeatu zehazten hasiko dira bihar

Oñati

Kudeaketa eredua definitzeko fasean sartuko da Eltzia eta hiru lan saio egingo dituzte erabiltzaileek Eltzia nola kudeatu zehazteko. Egungo erabilt...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.