Euren eskaera guztiak batzen dituen hitzarmena lortu dute Garayko langileek

Hijos de Juan de Garay enpresako langileek ez dute greba egin, iragarrita zuten bezala, akordioa egin dutelako enpresarekin. Dena dela, bi eguneko greba eta greba mugagabea egiteko erabakiaren ondoren lortu dute akordioa.

Hitzarmenak langileen eskaerak jasotzen ditu: hain zuzen, aurten soldata %1,3 eta KPI + 1,7 handitzea, eta 2016rako 1,7ko gutxieneko bermea.

Era berean, lizentzietan eta baimenetan hobekuntzak lortu dituzte, eta zuzendaritzaren konpromisoa mutuekin ez kontzertatzeko gaixotasun arruntarengatik hartzen diren bajen jarraipena eta kontrola.

Langileen eskaera garrantzitsuenetako bat lan-erreformarekiko babesa zen. Bada, hori ere lortu da; izan ere, babes artikulu guztiak jasotzen ditu hitzarmenak, eta enpresak ezin izango ditu soldatak alde bakarreko erabakiarekin aldatu ez eta hitzarmenaren edukiak aplikatzeari utzi ere.

ELA sindikatuaren iritziz, Garayko langileek erakusten dute nola "antolakuntzarekin eta borrokarekin hitzarmen duinak lor daitezkeen".

Langileen eta zuzendaritzaren arteko akordioa joan den egubakoitzean lortu zen.

Erlazionatuak

Hijos de Juan de Garay enpresako langileak greban daude atzotik

Oñati

Hitzarmen "duin" bat eskatzen dute Hijos de Juan de Garay enpresako langileek; enpresa kometitik adierazi dute hiru urte daramatela soldata izoztut...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.