Jorge Fernandez Diaz: "Legearen kontrakoa litzateke Plazaola zaintzea"

Eztabaida piztu da Alberto Plazaola Aitto preso ohi oñatiarraren bueltan, martitzen gauean Guardia Zibila bere bila joan eta etxean topatu ez izanaren harira. Berriz espetxeratuko zutela jakin zenetik poliziari atxilotze agindua eman ziotenera arte denbora gehiegi pasa zela dioten kritiken aurrean, Espainiako Gobernuko barne ministroak ez du adierazpenik egin. Aldiz, Barne Ministerioak bere eginbeharra ondo bete zuela azaldu du, Plazaola baldintzarik gabe zegoelako aske eta, egoera horretan, legearen kontrakoa litzatekeelako hura zaintzea. Poliziak bere bila jarraitzen du.