Oñatiko baratzeen zozketa

Oñatiko Udalak uztailaren 24an, eguenean, zozkatuko ditu herritarrekin batera eraikiko dituen baratzeetako tokiak. San Martingo gunea egokitzen hasiko da Udala, aditzera eman dutenez, gune horretarako 101 pertsonek erakutsi dutelako interesa. Aurreikusitako beste gunean, Torrealden, 66 lagun izan dira interesa agertu dutenak.

San Martingo gune horretan 30 metro koadroko 80 baratza inguru egingo dira eta parte hartzaileak zozketa bidez hautatuko dira. Zozketa, uztailaren 24an, eguena, eguerdiko 12etan udaletxeko Osoko Bilkuren aretoan egingo dute eta, ondoren, gutunak bidaliko zaizkie esleipendunei bilera deialdi batekin batera.

Zozketan parte hartzaile guztiak sartuko dira eta hautatuak izaten ez direnak itxoin zerrenda bat osatuko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.