Herritarrekin ospatu zuten Txantxiku Ikastolaren Eguna

Usoa Agirre 2014ko api. 13a, 12:00
Egubakoitzetik hasi eta domeka arte ospakizun egunak izan zituzten Oñatiko Txantxiku Ikastolan. Egubakoitzean zenbait ekintza egin zituzten ikastolako ikasleek: jolasak, kirol jarduerak, tortilla lehiaketa, herri-bazkaria, jolas parkea, jaialdia... Eguna bukatzeko urteroko jaialdia egin zuten kiroldegiko pilotalekuan. Ikasleez gain, guraso eta ikastolako langileek parte hartu zuten jaialdian.

Zapatuan herritarrekin ospatu nahi izan zuten Ikastolaren Eguna eta ikastolako ateak ireki zituzten guztientzat. Jolas-parkea, tailerrak, taloak eta beste izan ziren ume eta nagusien gozamenerako.

Pailazoen ikuskizuna

Zapatu arratsaldean izan zen gaztetxoek hainbeste maite dituzten Pirritx, Porrotx eta Marimotots pailazoen ikuskizuna. Bizipoza lana aurkeztu zuten eta ume zein gurasoz bete zen kiroldegiko kantxa. Pailazoen musika, dantza eta txantxekin eman zioten bukaera egunari.

Domekan familian kirol pixka bat egiteko aprobetxatu dute Ikastolaren Eguneko ekitaldiekin bukatzeko. Eskola Agenda 21eko ordezkariek antolatuta, bizikleta martxa egin dute: ikasle, guraso eta langileek giro alaian egin dute Oñati eta San Prudentzio arteko ibilbidea.

Erlazionatuak

Debagoieneko bertso eskolen lehenengo topaketa

Amaia Txintxurreta Guridi 2014 api 13 Aretxabaleta

Erramu zapatuko feria

Argazki galeria: Erramu zapatuko feria 2014 api 12 Bergara

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak