ESK sindikatuko kide Juan Luis Marquez ‘Txarli’ oñatiarra inputatu egin dute Osunan, Sevillan, dagoen Las Turquillas finkaren okupazioan parte hartu izanagatik, joan zen urteko maiatzaren 1ean. Okupazio hori Aldaluziako Langileen Sindikatuak (SATek) gidatu zuen, eta ESK-ko delegazio batek ere parte hartu zuen. Bada, okupazio horregatik inputatu dute Marquez, usurpazio delitu bategatik. Gaur -martitzena-, Bergarako epaitegian deklaratu behar izan du. ESK-ko kideek elkarretaratzea egin dute epaitegiaren aurrealdean. Bertan izan dira SATeko ordezkari batzuk ere.
ESK-tik diote SAT sindikatuak erabilera militarra duen Las Turquillas finkaren erabilpen soziala erreklamatzen dutela, %40ko langabezi tasa duen lurralde batean. Gaineratzen dute, erabilera sozial horretatik 130 postu finko sortzeko aukera izango litzakeela.
Bestalde, iragarri dute Andres Bodalo SATeko kideak hitzaldiak egingo dituela Euskal Herrian Andaluziako langile borrokari buruz, tartean, Arrasaten izango da Bodalo. Bihar, eguaztena, izango da saioa kulturaten, 18:30ean.
