"Ekarpen positiboak" dituen edonorentzat Hondakinen Jarraipen Batzordera batzeko deia egiten du alkateak "bilketa sistema hobetzen jarraitzeko"

Udal Gobernuak atez ateko bilketari buruz jakitera emandako datuen irakurketa positiboa egin du Mikel Biain alkateak. Datuak "oso-oso" positibotzat jo ditu eta herritarrak zoriondu ditu hartutako jarrerarengatik. Hobetzeko gauzak badaudela onartuta, Biainek "sistema hobetzen jarraitzeko", "ekarpen positiboak egiteko asmoarekin", sortu berri den Hondakinen Jarraipenerako Batzordean parte hartzeko deia egiten du.

• Udalak emandako datuak: %89,96ko gaikako bilketa tasa lortu da bi hilabetetan.
• Oposizioaren balorazioa. Lurdes Idoiaga: "Herritarrak, nahiz eta hainbat momentutan etsita egon, zelako dizplinarekin hartu duten nabarmenduko genuke"