Dendariak, ostalariak, landa eremuko herritarrak ... profil ezberdinetako kideek osatzen dute aste honetan sortu den Herritarren Jarraipen Batzordea. Adin, bizileku eta lanbide ezberdina duten herritarrek osatzen dute batzordea. Datorren irailean hasiko da lanean eta atez ateko sistemak dituen gabeziak aztertu eta hobekuntzarako proposamenak egingo ditu batetik. Bestetik, Mankomunitateak hilero pasatuko dituen gaikako bilketa mailaren datuak aztertu eta komunikatuko ditu.
Lan talde irekia izango da eta alkatea ere egongo da, udaleko ordezkari moduan. Herritarren batek batzordeko kide izateko interesa izanez gero, hauexek dira izena emateko bideak: partehartzea@oinati.net edo 943780411.